काठमाडौं । ओरिएण्टल इन्स्योरेन्सले चालू आर्थिक बर्षको पहिलो त्रैमाससम्ममा २ करोड ५४ लाख रुपैयाँ खुद नाफा कमाएको वित्तीय विवरण सार्वजनिक गरेको छ । गत वर्षको यहि अवधिको तुलनामा यो २६३.६३ प्रतिशत अर्थात एक करोड ८४ लाख रुपैयाँले बढी हो । कम्पनीले गत आर्थिक वर्षको पहिलो त्रैमाससम्ममा ६९ लाख ८५ हजार रुपैयाँ मात्रै खुद नाफा आर्जन गरेको थियो ।
यस अवधिसम्ममा कम्पनीले २८ करोड ४० लाख खुद बीमा शुल्क आर्जन गरेको छ । गत वर्षको यहि अवधिमा कम्पनीले २३ करोड १९ लाख रुपैयाँ खुद बीमा शुल्क संकलन गरेको थियो । कम्पनीले पुर्नबीमा कमिशनबाट २ करोड २ लाख रुपैयाँ, लगानी कर्जा तथा अन्यवाट ३ करोड ९७ लाख रुपैयाँ आम्दानी गरेको छ । यस्तै कम्पनीले २ करोड ७९ लाख रुपैयाँ बराबरको खुद दाबी भुक्तानी गरेको छ भने पुनर्बीमा कमिशन वापत ९ लाख १७ हजार रुपैयाँ खर्च गरेको छ ।
कम्पनीको बीमा कोषमा ९९ करोड ३१ लाख रुपैयाँ र जगेडा कोष १५ करोड २५ लाख रुपैयाँ सञ्चित रहेको छ ।यस अवधिसम्ममा कम्पनीले २ हजार १५४ बीमालेख जारी गरी ३६ करोड २० लाख रुपैयाँ कुल बीमा शुल्क आर्जन गरेको छ । यस्तै कम्पनीको ६ हजार ६३० वटा बीमालेख नवीकरण भएको छ । कम्पनीले ६३९ वटा दाबी वापत ५ करोड १८ लाख भुक्तानी गरेको छ भने २ हजार १९९ वटा दाबी वापत ७२ करोड ९९ लाख रुपैयाँ भुक्तानी गर्न बाँकी छ । मेरोलगानी ।
