पर्वत । निरन्तर परेको बर्षाका कारण दक्षिण पर्वतका बिभिन्न पालिकालाई सदरमुकाम संग जोड्ने सडक आइतबार देखि अवरुद्ध बनेको छ। जिल्लाकोे पैयू गाउँपालिका जोड्ने मुख्य लुंखुदेउरालि हुवास सडक अवरुद्ध भएको हो ।
पैयू गाउँपालिका वडा नं ७ भोर्लै स्थित सेराखोलामा पहिरो खसेर लुंखु देउरालि हुवास सडक अबरुद्ध भएको प्रहरी निरीक्षक लालबहादुर विकले जानकारी दिएका छन् । पैयू गाउँपालिकाको हुवास सदरमुकाम कुस्मा सम्म आवातजावत गर्नै र स्थानियबासी गाउँपालिको केन्द्र सम्म जाने उक्त सडक अबरुद्ध हुदाँ समस्या भएको विकले बताए ।सेराखोलामा निर्माधिन पुल माथिको सडक भत्किएको छ भने सडकमाथि ठुलो पहिरो खसेको छ ।
पहिरो माथिल्लो भागमा रहेको बस्ती पनि जोखिममा रहेको छ । वर्षा भैरहेको हुनाले जोखिम रहेको छ । जोखिममा रहेका बस्तीका बासिन्दालाई सतर्क रहन अनुरोध गरिएको इलाका प्रहरी कार्यालय हुवासले जनाएको छ ।
