77
पर्वत । जिल्ला प्रहरी कार्यालय पर्वतले कर्तव्य ज्यान मुद्दाका एक जना फरार प्रतिवादीलाई पक्राउ गरेको छ । पैयूँ गाउँपालिका –७ बस्ने ४४ वर्षीय ख्याम बहादुर रानालाई स्याङ्जा जिल्ला अदालतले फैसला सुनाएको पाँच वर्षपछि शुक्रवार पक्राउ गरेको हो ।
उनी विरुद्ध कर्तव्य ज्यान मुद्दा शीर्षकमा मुद्दा दर्ता भई स्याङ्जा जिल्ला अदालतको २०७३ साल साउन २० गतेको फैसलाले एक वर्ष कैद सजाय तोकेको थियो । अदालतको फैसला पछि फरार रहेका रानालाई प्रहरी खोजी गरिरहेको थियो । विशेष सूचनाका आधारमा पर्वत प्रहरीले पक्राउ गरेको प्रहरी निरीक्षक राजेन्द्र अधिकारीले बताए ।
पक्राउ परेका रानालाई आइतबार नै पर्वत जिल्ला अदालतमा पेस गरिएको र अदालतबाट उनलाई तोकिएको कैद सजाय भुक्तानीको लागि सोही दिन नै पर्वत कारागार चलान गरिएको निरीक्षक अधिकारीले बताए ।
