काठमाडौं : सत्तारूढ नेपाल कम्युनिस्ट पार्टी (नेकपा)ले आजको लागि बोलाइएको सचिवालय बैठक स्थगित गरेको छ। आज अपराह्न ४ बजेका लागि तय भएको सचिवालय बैठक स्थगित भएको हो।
शनिबारका लागि तय भएको बैठक आजका लागि सारिएको थियो। हिजोमात्रै प्रधानमन्त्री केपी शर्मा ओलीका सचिवालयका चार जनासहित ६५ जना सुरक्षाकर्मीलाई कोरोना देखिएपछि बैठक सारिएको बताइएको छ। पार्टीमा सल्लाह नगरी प्रधानमन्त्री केपी शर्मा ओलीले एकलौटी ढंगबाट राजनीतिक नियुक्ति गरिएको भन्दै अर्का अध्यक्ष पुष्पकमल दाहाल प्रचण्डसहितका सचिवालय सदस्यहरु असन्तुष्ट बनेका छन्।
बिहीवारको मन्त्रिपरिषद् बैठकले मुख्य सचिव तथा राजदूत नियुक्ति गरेको थियो। यसले नेकपामा फेरि विवाद बढाएको छ। त्यसपछि नेकपामा सचिवालय बैठक माग भएको थियो। बैठकमा मन्त्रिपरिषद् पुनर्गठन,पार्टी एकताका बाँकी काम लगायतका विषयमा छलफलकाे तयारी थियाे।-pahilopost.com
