107
काठमाडौं । नेपालको निजी औषधि उत्पादक कम्पनी देउराली जनता फर्मास्युटिकल्सले कोरोना भाइरस संक्रमितको उपचारमा प्रयोग गरिने ‘फ्याभिपिराभिर’ औषधि उत्पादन सुरु गरेको छ ।
देउराली जनताले औषधि व्यवस्था विभागबाट उत्पादनको अनुमति लिई नेपालमा नै पहिलो पटक फाभिर २०० नाममा ट्याब्लेटका रूपमा उक्त औषधि उत्पादन गरेको जानकारी गराएको छ ।
फ्याभिपिराभिर ओरल ट्याब्लेट्स एन्टिभाइरल औषधिलाई विश्वका धेरै मुलुकले कोभिड-१९ का बिरामीमा परीक्षणपश्चात् आपत्कालीन अवस्थामा प्रयोग गरिरहेका छन् ।
हालसम्म फ्याभिपिराभिर औषधि जापान, चीन, रसिया, अमेरिका, टर्की, क्यानडा, भारत र बंगलादेशलगायत धेरै देशमा सरकारले कोभिड-१९ को उपचारका लागि अत्यावश्यक प्रयोग गर्न अनुमति प्रदान गरिसकेका छन् ।
