पर्वत ।अर्थमन्त्री जनार्दन शर्माले अमेरिकी सहयोग नियोग मिलेनियम च्यालेन्ज कर्पोरेसन (एमसीसी)का कारण देशमा विभाजन आएको बताएका छन् ।
आज पर्वतको सदरमुकाम कुश्मामा पर्वत उद्योग वाणिज्य सङ्घको साधारण सभामा बोल्दै अर्थमन्त्री शर्माले एमसीसी राष्ट्रिय मुद्दा बनेको हुँदा दलहरू बिच छलफल गरी राष्ट्रिय सहमति अनुरूप समस्याको समाधान खोजिनुपर्ने बताएका हुन् ।
उनले दलहरूले आफ्नै गोरुको बाह्रै टक्का नगरी एमसीसीका कारण देशमा देखा परेको राष्ट्रिय सङ्कटलाई सबै दलको राष्ट्रिय सहमतिबाट निकास खोजिनुपर्ने बताए ।
अर्थमन्त्री शर्माको आज प्रतिनिधि सभामा नेपाल सरकार र अमेरिकी सहयोग नियोग मिलेनियम च्यालेन्ज कर्पोरेसन (एमसीसी) सम्झौता माथि सामान्य छलफल गरियोस् भनी प्रस्ताव पेस गर्ने कार्य सूची रहेको थियो ।
तर अर्थमन्त्री शर्मा संसद् छल्न हिजो नै सदरमुकाम कुश्मा आइपुगेका थिए ।
