126
पर्वत । आन्तरिक राजश्व कार्यालयले निजामति सेवा दिवसको अवसर पारेर सोमबार देखि पर्वतको कुस्मामा करदाता सेवा कार्यालय स्थापना गरेको छ ।
बागलुङ्गबाट दिँदै आएको सेवा लिन पर्वतबासीलाई असहज भएको गुनासो आएपछि पर्वतमै सेवा कार्यालय स्थापना गरिएको हो । सरकारले २४ जिल्लामा करदाता सेवा कार्यालय स्थापना गर्ने लक्ष्य अनुसार पर्वतमा पनि कार्यालय स्थापना गरिएको प्रमुख कर अधिकृत हेमराज सुबेदीले बताए ।
कार्यालय स्थापनापछि करचुक्ता प्रयोजन तथा ब्यवसायलाई मूल्य अभिबृद्धि कर तथा स्थायी लेखा नम्बर लिनका लागि बागलुङ्ग जानुपर्ने बाध्यता हटेको छ ।
जिल्लमा झण्डै ७ हजार भन्दा बढि करदाताहरु रहेका छन । पछिल्लो समय पर्वतमा मुल्यअभिबृद्धि करबाट कारोबार गर्नेको संख्या पनि पर्वतमा बढिरहेको छ ।
