183
काठमाडौं । नेकपा माओवादीको बाग्मती प्रदेश कमिटीको नेतृत्वमा निर्वाचन हुने भएको छ। काठमाडौंमा सम्पन्न बाग्मती प्रदेश सम्मेलनमा सहमतिका लागि भएको प्रयास असफल भएपछि निर्वाचन हुन लागेको हो। अध्यक्षमा दिनानाथ गौतम र सरल सहयात्रीले उम्मेदवारी दिएका छन्।
नौ पदका लागि २७ जनाको उम्मेदवारी परेको निर्वाचन समिति सदस्य डिबी तामाङले जानकारी दिए। उनका अनुसार अध्यक्षमा २, उपाध्यक्षमा १०, सचिव ३, सहसचिव ९ र कोषाध्यक्षमा ३ जनाको उम्मेदवारी परेको छ। नेतृत्वका लागि २ सय ७५ जनाले मतदान गर्दैछन्। दुई सय ७५ जनाको कमिटीमा सहमति भए पनि पदाधिकारीमा सहमति नभएपछि निर्वाचन हुन लागेको हो। माओवादीको विधानअनुसार प्रदेश कमिटी सदस्यले पदाधिकारी चयन गर्छन्। सेतोपाटी ।
