सुनको भाउ घट्यो, चाँदी भने स्थिर

काठमाडौं । सुनको भाउ घटेको छ । वैशाख ६ गते, मंगलबार सुन तोलामा ४०० रुपैयाँले गिरावट भएको हो । नेपाल सुनचाँदी व्यवसायी महासंघका अनुसार चाँदीको भाउ भने स्थिर रहेको छ ।यस दिन छापावाल सुन प्रतितोला एक लाख दुई हजार १०० रुपैयाँमा झरेको छ । यस्तै तेजाबी सुन प्रतितोला एक लाख एक हजार ६०० रुपैयाँ तोकिएको महासंघले जनाएको छ ।

सोमबार भने सुनको मूल्य बढेको थियो । सो दिन सुन तोलामा ५०० रुपैयाँले वृद्धि भएर प्रतितोला एक लाख दुई हजार ५०० रुपैयाँमा कारोबार भएको थियो । मंगलबार चाँदीको भाउ स्थिर रहेको छ । यस दिन चाँदी प्रतितोला एक हजार ४२० रुपैयाँ कायम रहेको छ । अघिल्लो कारोबार दिन,चाँदी तोलामा पाँच रुपैयाँले बढेको थियो । मेरोलगानी ।