151
पर्वत । कुश्मा नगरपालिका ३ स्थित ओडारेका एक युवाले सञ्चालन गर्दै आएको बङ्गुर फार्मबाट दर्जन बढी बङ्गुरका पाठाहरू बाघले खाइदिएको छ ।
ओडारे कृषि फर्मको नामबाट व्यावसायिक बङ्गुर पालन गर्दै आएका गौरव क्षेत्रीको तीन महिना भएका बङ्गुरका पाठाहरू बाघले खाइदिएको हो ।
हप्ता दिनको अवधिमा बाघले ती बङ्गुरका पाठाहरू खाएको सञ्चालक क्षेत्रीको भनाइ छ । ‘पहिले त, मान्छेले लग्यो होला भन्ने भयो’, उनले भने, ‘हरेक दिन हराउँदै जान थालेपछि राति ढुकेर बसेर हेर्दा आँखा अगाडि बाघले बङ्गुर घिसार्दै लगेको देख्यौँ ।’
क्षेत्रीले १ करोड लगानीमा आधुनिक किसिमले डेढदुइ सय बङ्गुर पाल्दै आएका छन् । १ लाख बढीको क्षति भएपछि क्षेत्री चिन्तित बनेका छन् ।
