सचिन्द्र श्रेष्ठ । करिब २० वर्ष अगाडि रेकर्ड गरिएको निर्वाण एन्ड म्युजिक लिङ्क’ नाम राखी ‘किन यसरी ‘भन्ने गीतले पुनः नयाँ भर्सनमा बजारमा आएको छ। पहिलो एल्बममा समावेश गीत ‘किन यसरी बिना अर्थ’,जब तारा गनेर लगायतका गीतलाई धेरै नै रुचाइएको थियो।
२०६५ सालमा ‘निर्वाण एन्ड म्युजिक लिङ्क २’ मा समावेश गीत तिमी र म, यो माया त्यो माया गीत चर्चित बन्यो र उनले तेस्रो एल्बम ‘निर्वाण एन्ड म्युजिक लिङ्क ३’ नाम दिएर २०७० सालमा प्रेम पत्र, हारेको मुर्दा जीवन जस्ता गीत समावेश गर्दै निर्वाण एन्ड म्युजिक लिङ्कले “ब्रोदरहूड स्टिल इन म्युजिक’नामक चौथो एल्बम पनि निकालिसकेको छ ।
२० वर्ष अगाडि सम्पूर्ण युवाहरूको जनजिब्रोमा झुन्डिएको गीतलाई पुनः निकालेर नयाँ प्रविधि,सङ्गीत संयोजन फरक स्वाद तरिकाले दर्शक सामु ल्याउन लागिएको प्रमोदले बताए। चर्चित गायक ,कंपोजर एवं शब्द सङ्कलन समेत प्रमोद निर्वाणको रहेको उक्त गीतलाई फिमेल भर्सनमा सरला बी.सी.ले नयाँ फेभरमा साथ दिएकी छिन। लामो समयपछि निकालिएको हुदा फेरी पनि सबैको मन मस्तिष्कमा ताजा बस्न सकिने प्रमोद बताउँछन्।
दर्जनौँ चर्चित गीतहरूमा अभिनय गरेका सागर लमसाल,शिक्षा सङ्ग्रौला, कुशल बिस्ट र संजीता पाण्डेयको अभिनय देख्न सकिन्छ।बुद्ध थापाको उत्कृष्ट भिडियोलाई विकास धमलाले सम्पादन गरेका छन्। गोल्डेन मड क्रिएशनको ‘किन यसरी’ लाई बले इंटरटेन्मेंटको युट्युब च्यानल बाट सार्वजनिक गरिएको छ।केही समय पहिले रिमेक गरी चर्चामा आएको गीत ‘तिम्रो मन बदलिएछ” का निर्देशक निकेश खडकाको नै रहेको छ।
