Home समाचार अमेरिकाबाट क्यानडा गएका दुई जनाले दिए कोरोना खोप लगाएको झुठो विवरण, तिर्नु पर्‍यो २३ लाख रुपैयाँ जरिवाना

अमेरिकाबाट क्यानडा गएका दुई जनाले दिए कोरोना खोप लगाएको झुठो विवरण, तिर्नु पर्‍यो २३ लाख रुपैयाँ जरिवाना

by ईलालटिन
0 comment

टोरोन्टो ।  अमेरिकाबाट क्यानडा गएका दुई जना यात्रुलाई क्यानडाका अधिकारीहरूले  झन्डै ४७ लाख रुपैयाँ जरिवाना तिराएका छन्। पूर्ण रूपमा कोरोना खोप लगाइसकेको झुठो विवरण दिएका उनीहरूलाई १९ हजार ७ सय २० अमेरिकी डलर (२३ लाख ४४ हजार रुपैयाँ) का दरले जरिवाना तिराइएको हो। द पब्लिक हेल्थ एजेन्सी अफ क्यानडाले जुलाई तेस्रो साता अमेरिकाबाट आएका ती यात्रुले तोकेका मापदण्ड पूरा नगरेकाले उनीहरूलाई जरिवाना तिराइएको जनाएको छ। उनीहरूले  प्रस्थान गर्नुअघि गरिएको परीक्षण,  क्यानडा पुगेपछि गर्नुपर्ने परीक्षण र सरकारले तोकेका होटलमा क्वारेन्टिन बस्ने कुनै पनि मापदण्ड पूरा गरेका थिएनन्। गत जुलाई ५ देखि क्यानडाले कोरोनाविरूद्ध पूर्ण खोप लगाएका विदेशी र स्वदेशी नागरिकलाई क्यानडा आउँदा क्वारेन्टिन बस्नु पर्ने नियम खुकुलो बनाएको छ। अमेरिकामा लगाउन चाहनेहरूलाई खोप सहजै पाइन्छ।मानिसहरूले खोप लगाउन आनाकानी गरेपछि विभिन्न राज्यहरूले प्रोत्साहनस्वरूप पैसा दिन थालेका छन्। यसका बाबजुद् पनि अझै धेरै अमेरिकी खोप लगाएका छैनन्। क्यानडाले आफ्नो देशमा प्रवेश गर्नेले कोरोना नियन्त्रणसम्बन्धी मापदण्ड उल्लंघन गरे गल्तीको गम्भीरता हेरी ६ महिनासम्म कैद वा ७ लाख ५० हजार डलरसम्म जरिवाना तिर्नु पर्ने  हुनसक्ने बताएको छ। रातोपाटी ।

सम्वन्धित समाचार

प्रतिक्रिया दिनुहोस्

लाल्टिन मिडिया प्रा.लि.द्वारा सञ्चालित
अध्यक्ष : अच्युत तिवारी
प्रबन्ध निर्देशक: सुमन जंग
प्रबन्धक: संगीता केसी
सम्पादक : मञ्जु भुसाल तिवारी

सम्पर्क

सूचना विभाग दर्ता नंः २३२९ /०७७- ७८
Kushma Parbat, Nepal
+977-67-422202 +977-9857672277
elaltin77@gmail.com
nepalkomaya77@gmail.com

धेरै प्रतिकृया आएका

भर्खरै

Copyright © 2024 Elaltin.com