पर्वत । जलजला गाउँपालिकाको आगामी बजेट, नीति तथा कार्यक्रमले महामारी र विपत् व्यवस्थापनलाई प्राथमिकतामा राखेको छ । बुधवार सम्पन्न दसौँ गाउँ सभामा आगामी आर्थिक वर्ष ०७८र७९का लागि प्रस्तुत बजेट, नीति तथा कार्यक्रमले नागरिकको स्वास्थ्य र जीवन रक्षाको लागि प्राथमिकतामा राखेर बजेट विनियोजन गरेको हो । गाउँपालिकाले प्रस्तुत गरेको रु।४५ करोड, १५ लाख ५० हजार रुपैयाँको बजेटमा ५०० मजदुरहरूका लागि मजदुर सञ्चय कोष कार्यक्रम पास गरेको छ । श्रम गरेर जीविकोपार्जन गर्दै आएका गाउँपालिकाभित्रका पाँच सय मजदुर लाई पहिलो चरणमा यो सञ्चय कोष कार्यक्रममा सहभागी गराइने र क्रमशः बाँकी मजदुर लाई समेत यो कार्यक्रममा सहभागी गराइने गाउँपालिकाका अध्यक्ष यामबहादुर मल्ल ९रामकृष्ण०ले जानकारी दिनुभयो ।
कोरोना महामारीको पहिलो भेरियन्टदेखिनै निकै सक्रियतापूर्वक लागेको जलजला गाउँपालिकाले कोरोना महामारीको दोस्रो भेरियन्टमा समेत सबै नागरिकको पिसिआर परीक्षण र सङ्क्रमितको उपचार निशुल्क गरिदिँदै आएको छ भने मृत्यु भएका परिवारलाई २० हजारका दरले राहत दिन बजेट विनियोजन गरिएको अध्यक्ष मल्लले बत्ताउनु भयो । बजेटमा एक करोड ६० लाखको अध्यक्ष हातेमालो कार्यक्रम समेत समावेश गरिएको छ । यो बजेट अशक्त र असहाय बालबालिकाको शिक्षा तथा स्वास्थ्य र दलित, महिला तथा विपन्नहरूको आयआर्जनका लागि खर्च गरिने अध्यक्ष मल्लले बत्ताउनु भयो । गाउँपालिकाको प्रशासकीय भवन निर्माणका लागि डेढ करोड रुपैयाँ विनियोजन गरेको छ भने निर्माण हुन बाँकी वडा नं २ र ८ का वडा कार्यालय भवन निर्माणको लागि समेत बजेट छुट्टाइएको छ ।
गाउँ सभामा प्रस्तुत बजेट, नीति तथा कार्यक्रमले कालीगण्डकीको ढुङ्गा गिट्टी र बालुवालाई व्यवस्थित ढङ्गले सञ्चालन गरी आन्तरिक आयलाई वृद्धि गर्ने, गाउँपालिकाभित्रका सबै सडकलाई स्तरोन्नति गर्ने, गाउँपालिकाभित्रको पर्यटन, कृषि, पशुपालन र जडीबुटीलाई प्रवर्द्धन गर्ने कार्यक्रम अघि सारेको प्रमुख प्रशासकीय अधिकृत अर्जुन शर्माले जानकारी दिनुभयो ।
बजेट मध्ये चालुतर्फ आठ करोड र पुँजीगत तर्फ रु १५ करोड २३ लाख ५० हजार रुपैयाँ र सङ्घीय सरकार वाट प्राप्त सशर्त अनुदान रु २१ करोड ९२ लाख रुपैयाँ विनियोजन गरिएको गाउँपालिकाका उपाध्यक्ष सीमा गर्बुजा पुनले जानकारी दिनुभयो । गाउँ सभामा अध्यक्ष यामबहादुर मल्लले आगामी आर्थिक वर्षको नीति तथा कार्यक्रम प्रस्तुत गर्नुभएको थियो भने उपाध्यक्ष सीमा गर्बुजा पुनले बजेट प्रस्तुत गर्नुभएको थियो ।
जलजलाले कोभिड–१९ रोकथाम तथा नियन्त्रणलाई विशेष जोड दिएको छ भने बजेटको ठुलो हिस्सा पूर्वाधार र कृषि, शिक्षा, स्वास्थ्य, रोजगारी र पर्यटनलाई प्राथमिकता दिइएको गाउँपालिकाका अध्यक्ष मल्लले जानकारी दिनुभयो । गाउँपालिकाले चालु आर्थिक वर्षका कार्यक्रमलाई पनि आगामी वर्ष निरन्तरता दिने जनाएको छ ।
