149
काठमाण्डौँ । केही वर्षअघि सार्वजनिक भएको गीत ‘साइँली’बाट निकै प्रशंसा पाएका गायक हेमन्त राना वैवाहिक बन्धनमा बाँधिएका छन् । मंगलबार उनले प्रेमिका माया अधिकारीसँग विवाह गरेका हुन् ।
हेमन्त र माया केही समयदेखि एक-अर्कालाई डेट गरिरहेका थिए । अमेरिकामा रहेका हेमन्त र मायाले अमेरिकाको पेन्सिलभेनियामा विवाह गरेका हुन् ।
गायक राना नेपाली गीतसंगीतमा स्थापित नाम हो । उनले केही फिल्मको निर्माणसमेत गरेका छन् । अभिनेता गैरव पहारीसँगको सहकार्यमा उनले ‘जीएच इन्टरटेन्ट’ नामक निर्माण कम्पनी सुरु गरेका छन् । सोही व्यानरमा उनीहरूले ‘साइँली’ नामक फिल्म निर्माण गरेका छन् ।
