“यात्रा” सदरमुकाम कुश्मा देखि दुर्लुङकोट सम्मको … (भिडियो)

पर्वत । अहिले हामी उभिएको ठाउँ पर्वत जिल्ला दुर्लुङ स्थित दुर्लुङकोट भूमेको मन्दिर हो । यहाँसम्म मोटरसाईकलमा आईपुग्न लगभग ३० मिनेट लाग्ने गर्छ । दुर्लुङकोट भूमेको मन्दिरमा प्रत्येक वर्ष विजया दशमीको दिन र जेठ शुक्ल नवमीको दिन ठुलो पर्व मेला लाग्ने गर्छ । यहाँ गुरुङ लगायत विभिन्न जातजातिका मानिसहरुले उभौली पर्व र दशैँ पर्व मनाउदै आएका छन् । सँगै छिमेकी जिल्लाहरुबाट समेत श्रद्धालुहरु आउने गर्छन् । भूमेलाई भाकल गरेमा मनले चिताएको कुरा पुग्ने विश्वास रहँदै आएको छ । त्यसतै दशैँमा बोका र राँगाको बलि दिईने गरिन्छ । यस ‘दुर्लुङकोट भूमेको मन्दिरको प्रचारप्रसार केही भौतिक पूर्वधारको विकास गर्न सकेमा दुर्लुङको मात्र नभई समग्र पर्वत जिल्लालाई नै टेवा पुग्ने देखिन्छ ।