बिहीबारदेखि देशभरि सामान्य वर्षा हुने

मंगलबार: दिउँसो  देशको पहाडी भू-भागमा आंशिक बदली रहने छ। बाँकी भू-भागमा मौसम  सफा रहनेछ। प्रदेश नम्बर १, सुदूरपश्चिम र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना छ। राति प्रदेश नम्बर ७ र अन्य देशका पहाडी भू-भागमा आंशिक बदली रहने छ। बाँकी भू-भागमा मौसम सफा रहनेछ। प्रदेश नम्बर १, सुदूरपश्चिम र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना छ। बुधबार:  दिउँसो सुदूरपश्चिम र कर्णाली प्रदेशका पहाडी भू-भागमा आंशिकदेखि सामान्य बदली रहने छ।  बाँकी पहाडी भू-भागमा आंशिक बदली  साथै अन्य भू-भागमा मौसम सफा रहनेछ। उच्च पहाडी तथा हिमाली भू-भागका केही स्थानहरुमा हल्का हिमपातको सम्भावना रहेको छ।राति  पहाडी भू-भागमा आंशिक बदली रहने छ। उच्च पहाडी तथा हिमाली भू-भागका थोरै स्थानमा हल्का हिमपातको सम्भावना छ।बिहिबार : दिउँसो सुदूरपश्चिम र कर्णाली प्रदेशमा आंशिकदेखि सामान्य बदली रहने छ। पहाडी भू-भागमा आंशिक बदली साथै अन्य भू-भागमा मौसम  सफा रहनेछ। उच्च पहाडी तथा हिमाली भू-भागका केही स्थानमा हल्का हिमपातको सम्भावना छ। सुदूरपश्चिम र कर्णाली प्रदेशका एक दुई स्थानमा हल्का वर्षा हुने सम्भावना पनि छ।राति सुदूरपश्चिम, कर्णाली प्रदेश, लुम्बिनी प्रदेश र बागमती प्रदेशका धेरै स्थानहरूमा आंशिकदेखि सामान्य बदली रहने छ। बाँकी भू-भागमा आंशिक बदली रहनेछ। उच्च पहाडी तथा हिमाली भू-भागका केही स्थानहरुमा हल्का हिमपाको सम्भावना छ। सुदूरपश्चिम प्रदेश, कर्णाली प्रदेश, लुम्बिनी प्रदेश र बागमती प्रदेशका एक दुई स्थानमा हल्का वर्षा हुने सम्भावना छ। रातोपाटी ।