पर्वत । नेकपाका नेता एवं निर्वतमान साँसद पदम गिरी प्रधानमन्त्री केपी शर्मा ओलीको सरकारमा मन्त्री बन्ने भएका छन् ।
प्रधानमन्त्री केपी शर्मा ओलीले संसद विघटन गरेसँगै अब केही दिनमै मन्त्री मण्डल विस्तार गर्ने क्रममा नेता गिरी पनि लगभग मन्त्री बन्ने पक्कापक्की भएको उनी निकट नेताहरु बताउँछन् ।
प्रधानमन्त्री ओलीको गुटमा रहेका विघटित प्रतिनिधि सभाका सबै साँसदहरुलाई केन्द्रिय सदस्य बनाएसँगै नेता गिरी पनि स्वत केन्द्रिय सदस्य बनेका हुन् । मन्त्री बन्ने कुरालाई स्वयं नेता गिरीले समेत स्वीकार गरेका छन् ।
बालुवाटारमा भएको केन्द्रिय सदस्यहरुको भेलामा रहेका नेता गिरीलाई पर्वतका एक पत्रकारले टेलिफोन सम्पर्क गरेर केन्द्रिय सदस्य भएकोमा बधाई दिँदै, ‘मन्त्री हुने कुरो के छ ?’ भनेर सोधेका थिए ।
जवाफमा नेता गिरीले सम्भावना राम्रो भएको र त्यसकै लागि थप प्रयास भैरहेको बताएका थिए ।
