पर्वत । जिल्लाको सदरमुकाममा रहेको गुप्तेश्वर बेदबेदाङ्ग पाठशालालाई जिपि कोईराला फाउन्डेसन पर्वतका अध्यक्ष एवं नेपाली काँग्रेसका नेता बसन्त बहादुर सि.केले आफ्नो स्वर्गीय छोरोको स्मृतिमा आज आर्थिक रकम सहयोग गरेका छन् ।
अध्यक्ष सि.केले हरेक बर्ष आफ्नो स्वर्गीय छोरा बिशालको सम्झनामा विभिन्न स्थानमा पुगेर सहयोग गर्दै आएका उनले यस वर्ष चाहिँ पाठशालालाई नगद दश हजार र लत्ताकपडाका साथमा रासन सहयोग बाँडेका हुन् ।
सनातन धर्मसंस्कृती नेपालीहरुको धरोहर रहनुका साथै यस धरोहरलाई बचाउँन यस्ता बेदबेदाङ्गहरुको महत्वपूर्ण भूमिका रहने भएकाले आफुले यहाँ आएर सहयोग गर्न पाउँदै धेरै खुसी भएको अध्यक्ष सि.केले बताए ।
बिश्वनै कोरोनाको महामारीले ठप्प भएको बेला समेत यो पाठशाला निरन्तर रूपमा सन्चालनमा आइरहेको छ । २०५५ सालमा स्थापना भएको पाठशालामा २० जना विद्यार्थीहरु अध्यनरत रहेको प्राचार्य पद्मराम पाद्यायले जानकारी गराए ।
