काठमाडाैं । विद्यार्थी भिसामा अष्ट्रेलीया गएका पर्सा जिल्लाका भेष चौरसिया यतिबेला काठमाडौंमा छन् । उनी कोभिडको प्रभावका कारण नेपाल फर्किएका भने होईनन्, उनी आएका हुन करिव १२ करोड रुपैयाँको सेटिङ मिलाउन ।
अष्ट्रेलियन सरकारबाट प्राप्त हुने फण्ड हत्याउनका लागि उनले नेपालमा रहेका आफ्ना नातेदार तथा साथिभाईहरुको सहयोग लिने गरेका छन् । विभिन्न कम्पनीहरुबाट सेवा लिएको फर्जि बिल काट्न लगाई फण्डवापतको रकम हत्याउने गरेका उनले यसमा सघाएवापत केहि प्रतिशत कमिसन पनि दिने गरेका छन् ।
उनले आफ्नो अधिकतम कारोवार आफ्नी श्रीमती अर्चना चौरसियाको नाममा ग्लोवल आईएमई बैंक सातदोबाटो शाखामा खोलिएको खाताबाट गर्ने गरेका छन् ।
अहिले काठमाडौंमा आएका उनी ६ महिना नेपालमा नै बस्ने जानकारी प्राप्त भएको छ । यस क्रममा उनले नेपालमा हुण्डीको सञ्जाल विस्तार गर्नेदेखी अन्य नेटवर्क निर्माण गर्ने योजना बनाएका छन् । साथै उनले हुण्डीमार्फत एक यूवतीको नाममा पठाएको १९ हजार अष्ट्रेलीयन डलर समेत उठाउने प्रयास गरिरहेका छन् ।
काठमाडौं शंकर होटलमा बसेका चौरसियाले नर्सिङका विद्यार्थीहरुलाई अष्ट्रेलीया लगेर काम लगाईदिने प्रलोभन दिदैँ अनुचित लाभ समेत उठाईरहेको श्रोतले जानकारी दिएको छ ।
नेपाल बिदा मनाउन आएको बताउने उनले काठमाडौंमा महङ्गो गाडी र बङ्गला खरिद गर्न चाहेको सुनाउदैँ आएका छन् । नेपाली पब्लिक
