154
बाग्लुङ । आज हामी बाग्लुङ जिल्लाको बलेवामा रहेको बलेवा बिमानस्थलमा आईपुगेका छौँ । जेष्ठ महिनाभित्र काम सम्पन्न गर्ने गरी यतिबेला बिमानस्थलमा बिहान ७ देखि राति १२ बजेसम्म स्तरउन्नतीको काम युद्धस्तरमा चलिरहेको छ ।
विमानस्थललाई बाह्रै महिना संचालन गर्नेगरी नागरिक उड्यन प्राधिकरणले कालोपत्रेको काम थालेको हो । अहिलेसम्म बलेवा विमानस्थलमा सानो टुइनेटर जहाजमात्रै चल्न सक्ने अवस्था छ । धवनमार्ग कालोपत्रे भएपछि ठूलो जहाजले समेत उडान भर्न सक्ने बताइएको छ ।
नागरिक उड्यन प्राधिकरणले चालु आर्थिक बर्षमा ४ करोड रकम बिनियोजन गरि निर्माण कार्य अगाडि बढाएको हो । विमानस्थलको ७०० मिटर लम्बाई ३० मिटर चौडाई धावनमार्ग कालोपत्रे हुने निर्माण कम्पनीले जनाएको छ ।
२६ बर्षसम्म बन्द रहेको बलेवा विमानस्थल बागलुङ नगरपालिकाको पहलमा २०७४ साल चैत ९ गतेदेखि पुनः एक बर्ष संचालनमा आएर बन्द भएको थियो ।
धावन मार्गकै कारण जहाजले नियमित उडान गर्न नसक्ने भएकाले कालोपत्रे गरेर नियमित उडान गर्ने योजनाअनुसार काम थालिएको हो ।
