पर्वत । पर्वतमा प्रतिनिधिसभा तर्फ गठबन्धनबाट उम्मेदवार बनेका नेपाली काँग्रेसका अर्जुन प्रसाद जोशीको अग्रता कायमै रहेको छ ।
जोशीले ८ हजार ४२ मत ल्याउँदा नेकपा एमालेका उम्मेदवार पदम गिरीले चाहिँ ७ हजार ३ सय ४४ मत ल्याउनुभएको छ । दुई उम्मेदवारबिचको मतान्तर ६ सय ९८ रहेको छ । हिजो सोमबार दिउँसो ४ बजेदेखि मतगणना सुरु भएको हो ।
प्रदेश सभा (क) मा नेकपा माओवादी केन्द्रका सुदीप कुँवरले ७ हजार १ सय ८० मत प्राप्त गर्दै निकटतम प्रतिद्वन्द्वी नेकपा एमालेकाका भक्त कुँवर भन्दा अघि देखिनुभएको छ । एमालेका कुँवरले ७ हजार ८ सय ४७ मत पाउनु भएको छ । उहाँहरू बिचको मतान्तर ३ सय ३३ रहेको छ ।
प्रदेशसभा (ख) मा नेकपा एमालेका मित्रलाल बस्यालले अग्रता कायम राख्दै आउनुभएको छ । उहाँले ७ हजार ७ सय ९६ मत ल्याउँदा प्रतिद्वन्द्वी नेपाली काँग्रेसका उम्मेदवार ऋषिकेश तिवारीले चाहिँ ६ हजार २ सय ४४ मत पाउनुभएको छ । उहाँहरुबिचको मतान्तर १५ सय ५० रहेको छ ।
प्रतिनिधि सभामा अहिलेसम्म १७ हजार ४८ मतगणना भएको छ भने प्रदेश सभा (क) मा १७ हजार १ सय ३९ र (ख) मा १४ हजार ५ सय ६३ मतगणना गरिएको छ । बदर मत चाहिँ प्रतिनिधि सभातर्फ ६ सय ८ प्रदेश (क)मा ४ सय ८८ र (ख)मा ३ सय ३६ मत बदर भएका छन् ।
जिल्ला निर्वाचन कार्यालयका अनुसार १ लाख २२ हजार ६ सय ४९ जना मतदाता रहेको पर्वतमा ६६ हजार २ सय ७३ मत अर्थात् जम्मा ५४ प्रतिशत खसेको थियो । एक प्रतिनिधिसभा र दुई प्रदेशसभा निर्वाचन क्षेत्र रहेको पर्वतमा सत्तारुढ गठबन्धन, नेकपा एमाले, राष्ट्रिय स्वतन्त्र पार्टी, राप्रपा लगायतका दलका उम्मेदवार चुनावी मैदानमा भिडेका थिए ।
