151
पर्वतको महाशिला गाउँपालिका ६ स्थित फलामखानीमा रहेको फलामखानी सरोकारवालाहरूको बेवास्ताका कारण गुमनाम अवस्थामा पुगेको छ ।
२०१० साल सम्म यहाँका स्थानीयहरूले फलामखानीमा काम गर्थे । उनीहरूको आर्थिक उपार्जनको माध्यम भनेकै खानीबाट फलाम उत्खनन गर्नु र बेच्नु थियो ।
त्यस समय अत्यधिक वन विनाशको कारण देखाउँदै फलाम खानीबाट फलाम उत्खननमा रोक लगाइएको भनिए पनि त्यसको आधिकारिकता चाहिँ केही छैन ।
अहिले फलाम भएको सुरुङसम्म पुग्ने वातावरण छैन । बाटोहरू पहिल्याउन मुस्किल छ । हामीले फलामखानीमा काम गर्ने एक जना बुवासँग उहाँको अनुभवहरू क्यामरामा कैद गरेका छौँ ।
यस गाउँमा खानीभित्र पसेर काम गर्ने केही जना मात्र जीवित रहेका छन् ।
