156
काठमाडौं । काठमाडौं उपत्यकाको भद्रकाली, माइतीघर, बानेश्वर, तीनकुने हुँदै गुड्ने सवारी साधन डाइभर्ट गरिएको छ । तीनकुने-बानेश्वर भएर चल्ने सवारी साधनलाई बिभिन्न स्थानबाट ड्राइभर्सन गरिएको ट्राफिक प्रहरीले जनाएको छ । तीनकुनेबाट नयाँ बनेश्वरतर्फ आउने सबै सवारी साधनलाई तीनकुनेबाट नै ड्राइभर्सन गरीएको छ ।
भद्रकाली–सिंहदरबार–माइतिघर हुदै बानेश्वरतर्फ जाने सवारी साधनलाई भद्रकालीबाटै ड्राइभर्सन गरी त्रिपुरेश्वर, थापाथली हुदै पठाइएको ट्राफिक प्रहरीले बताएको छ । पद्मोदय मोडबाट पनि हनुमानस्थान हुँदै थापागाउँ जाने ठुला तथा तिनपाङग्रे सवारी साधनलाई पदमोदयमोडबाटै ड्राइभर्सन गरिएको छ । -अमेरिकी विकास सहयोग लिमेनियम च्यालेन्ज कम्प्याक्ट (एमसीसी) को विरोधमा विभिन्न दलका कार्यकर्ताले प्रदर्शन गरेपछि उक्त सडकखण्डको आवागमन डाइभर्ट गरिएको हो । रातोपाटी ।
