101
नयाँ दिल्ली । भारतमा लगातार तेस्रो दिन कोरोनाका नयाँ सङ्क्रमितको सङ्ख्यामा कमी देखिएको छ।भारतको केन्द्रीय स्वास्थ्य मन्त्रालयका अनुसार ३ लाख ९ हजार ३ सय ३९ जनामा कोरोना संक्रमण पुष्टि भएको हो।यस बीचमा २ लाख ४८ हजार २ सय २० जना संक्रमित निको भएका छन्। पछिल्लो २४ घन्टामा थप ५०७ जना सङ्क्रमितले ज्यान गुमाएका छन्।यसअघि शुक्रबार ३ लाख ३७ हजार जनामा सङ्क्रमण पुष्टि भएको थियो। यस्तै शुक्रबार भारतमा ४ सय ८६ जनाले ज्यान गुमाएका थिए। त्यसअघि बिहीबार ३ लाख ४७ हजार नयाँ सङ्क्रमित भेटिँदा ७०३ जनाले ज्यान गुमाएका थिए।
