Home बुलेट न्युज भारतीय पूर्व सेनाप्रमुख विपिन रावतको हेलिकप्टर दुर्घटनामा मृत्यु

भारतीय पूर्व सेनाप्रमुख विपिन रावतको हेलिकप्टर दुर्घटनामा मृत्यु

by ईलालटिन
0 comment

काठमाडौं । भारतीय सेनाका चिफ अफ डिफेन्स स्टाफ (सीडीएस) जेनरल विपिन रावतको हेलिकप्टर दुर्घटनामा परेर निधन भएको छ। भारतीय वायुसेनाले ट्वीट गर्दै उनको निधनको आधिकारिक जानकारी दिएको हो। भारतीय सेनाका पूर्वप्रमुखसमेत रहेका रावत चढेको हेलिकप्टर बुधबार तमिलनाडु राज्यको कुनुरमा दुर्घटना भएको थियो। दुर्घटना परि विपिन रावत, उनकी पत्नी र सशस्त्र बलका अन्य जवानसहित १३ जनाको मृत्यु भएको छ।

रावत यसअघि भारतीय सेनाका प्रमुख थिए। उनीपछि मनोजमुकुन्द नरवाणे सेना प्रमुख भएका छन्। रावत अहिले भारतको चिफ अफ डिफेन्स स्टाफ थिए। यो पद केही महिना अघिमात्रै सिर्जना गरिएको हो। पहिलो चिफ अफ डिफेन्स स्टाफको रूपमा रावतले २०२० जनवरीदेखि काम थालेका थिए। दुर्घटनापछि सामाजिक सञ्जालमा उपलब्ध भिडिओहरूमा हेलिकप्टर पूर्ण क्षतिग्रस्त अवस्थामा रहेको र त्यसका पार्ट पूर्जाबाट धुँवाको मुस्लो र आगो निस्किरहेको देखिएको थियो।हेलिकप्टरमा आगो लागेकाले शवहरू पहिचान गर्न कठिन भएको थियो। उनीहरूको डिएनए परीक्षणबाट पहिचान गरिएको थियो।

उक्त हेलिकप्टर सुलुरस्थित सैन्य क्षेत्रबाट वेलिंगटनस्थित सैन्य क्षेत्रतर्फ उडेको थियो।यसैबीच भारतीय प्रधानमन्त्री नरेन्द्र मोदीले रावतको निधनमा दु:ख व्यक्त गरेका छन्।‘तमिलनाडुमा भएको हेलिकप्टर दुर्घटनाको विषयलाई लिएर मलाई अत्यन्तै दु:ख लागेको छ। त्यसमा हामीले जेनरल विपिन रावत, उनकी पत्नी र सशस्त्र बलका अन्य जवानहरूलाई गुमायौं। उनीहरूले पूर्ण मेहनतका साथ भारतको सेवा गरेका थिए। दिवङ्गत भएकाहरूको परिवारप्रति समवेदना व्यक्त गर्छु’, प्रधानमन्त्री मोदीले भनेका छन्।यता भारतीय रक्षामन्त्री राजनाथ सिंहले दुर्घटनाबारे जानकारी दिन संसद्‌मा सम्बोधन गर्ने भएका छन्। यसैबीच भारतीय वायु सेनाको एमआई-१७ भी ५ हेलिकप्टरको दुर्घटनाको कारण पत्ता लगाउन छानबिन समिति बनाएको सेनाले जानकारी दिएको छ। सेतोपाटी ।

सम्वन्धित समाचार

प्रतिक्रिया दिनुहोस्

लाल्टिन मिडिया प्रा.लि.द्वारा सञ्चालित
अध्यक्ष : अच्युत तिवारी
प्रबन्ध निर्देशक: सुमन जंग
प्रबन्धक: संगीता केसी
सम्पादक : मञ्जु भुसाल तिवारी

सम्पर्क

सूचना विभाग दर्ता नंः २३२९ /०७७- ७८
Kushma Parbat, Nepal
+977-67-422202 +977-9857672277
elaltin77@gmail.com
nepalkomaya77@gmail.com

धेरै प्रतिकृया आएका

भर्खरै

Copyright © 2024 Elaltin.com