131
जुम्ला । जुम्लाको सिँजा गाउँपालि–१ स्थित जाँचमा बस दुर्घटना भएको छ । दुर्घटनामा २ जनाको मृत्यु भएको कर्णाली प्रदेश प्रहरी कार्यालयले जानकारी दिएको छ । गोठिज्युलाबाट सुर्खेततिर जाँदै गरेको ना.६ ख ४४३८ नम्बरको बसमा सवार कालिकोट घर भएका ३२ वर्षीय विशाल बम र गाडी चालक दैलेख घर भएका ३२ वर्षीय नविन रावलको मृत्यु भएको छ ।
दुर्घटनामा परेर जुम्लाको कनकासुन्दरी गाउँपालिका घर भएका वीरबल घर्ती र ४० वर्षीया उब्जी सार्की गम्भिर घाइते भएका छन् । गाडी सडकबाट १०० मिटर तल खसेको छ । घाइतेहरूलाई उपचारका लागी कर्णाली स्वास्थ्य विज्ञान प्रतिष्ठान जुम्लामा लगिएको छ ।रातोपाटी ।
