114
काठमाडौं । प्रगतिशील पत्रकार संघको काठमाडौंको अध्यक्षमा रोशन दानी चयन भएका छन् । शनिबार भएको जिल्ला भेलाले दानीको अध्यक्षतामा नयाँ कार्यसमिति चयन गरेको बताइएको छ ।
समितिको उपाध्यक्षमा विपिन पोख्रेल, सचिव लक्ष्मण बेल्वासे र कोषाध्यक्षमा किरण पाण्डे चयन भएका छन् । सदस्यहरूमा सुमन चापागाईँ, अस्मिता क्षेत्री, गणेश विक, निरुल महर्जन र लक्ष्मी चौधरी रहेका छन् । नव निर्वाचित अध्यक्ष दानीले आमसञ्चारकर्मीको अधिकार र श्रमजीवी पत्रकारको पक्षमा लडिरने बताएका छन् । ‘उत्पीडनमा परेका समुदाय र आवाज विहिनहरुको पक्षमा काम गर्दै विकृति र विसंगतीको विरुद्ध लड्छु’ दानीले रातोपाटीसँग भने । भेलाले प्रकाश थापा मगर, लक्ष्मणदेव पाण्डेय र गोपाल सुवेदीलाई सल्लाहकार चयन गरेको छ ।
