106
काठमाण्डौं । नायिकाद्दय स्वस्तिमा खड्का र आँचल शर्मा अभिनीत म्युजिक भिडियो ‘कुरा बुझ्न पर्च’ युट्युबको ट्रेन्डिङ १ मा परेको छ ।
गीतले एकै दिनमा १ मिलिएन भ्युजको आँकडा पार गरेको छ l ९४ हजार लाईक ,२ हजार डिसलाइक र ५ हजार कमेन्ट गीतले पाएको छ l सकारात्मक कमेन्ट पाएको गीतलाई दर्शकले अत्याधिक रुचाएका छन् ।
गायिका समीक्षा अधिकारी र शान्ति श्री परियार सुमधुर आवाज गीतमा रहेको छ l गायक प्रकाश सपुतको शब्द रचना र संगीत गीतमा रहेको छ l भिडियोको सम्पादन प्रवीण भट्टले गरेका छन् ।
स्वस्तिमा र आँचलको अलावा भिडियोमा लक्ष्मी गिरी, कालु राणा, कमला रेग्मी,अनिता बस्नेत,सुनिल बिकको पनि अभिनय रहेको छ l भिडियोको कन्सेप्ट तथा निर्देशन प्रकाश सपुतकै रहेको छ ।
