पर्वत । जिल्लाको कुस्मा नगरपालिका वडा नम्बर ९ ज्ञादीमा रहको ‘खारपानी झरना’ प्राकृतिक सुन्दरताले भरिपूर्ण रहँदारहँदै पनि लुकेर बस्नु परेको छ । कुस्मा ज्ञादी अग्लो झोलुङ्गे पुल हुँदै यस स्थानमा पुग्न सकिन्छ ।
मोदी खोला छेउको सिरमा रहेको यस ‘खारपानी झरना’मा कुस्मा बडगाउँ हुँदै मोदीवेनीधामबाट पुल तरेर समेत केही अप्ठ्यारा बाटा सँग जुध्दै झरना सम्म पुगेर गर्मीको यो समयमा मज्जा लुट्न सकिन्छ ।
धार्मिक स्थल मोदीवेनी धामबाट नजिक पर्ने भएको कारणले पनि यस झरनाको प्रचारप्रसार गर्न सकने हो भने आन्तरिक पर्यटकहरूको भिड् बढाउन सकिने छ ।
पछिल्लो समय कुस्मा ‘एडभेन्चर्स टुरिजम’को अभ्यासमा लागिरहेको बेला सदरमुकाम नजिकै रहेको ‘खारपानी झरना’ले महत्त्वपूर्ण भूमिका निर्वाह गर्न सक्ने देखिन्छ ।
प्रकृतिले ‘मेरो भरपुर उपयोग गर’, भनिराख्दा समेत आँखा र कान बन्द गरेर बस्न सख्त मनाही छ, है ।
