पर्वत । कुस्मा नगरपालिकाले सुरुवात गरेको कोभिड राहत कोषमा युवा सङ्घका केन्द्रीय सदस्य सुनिल थापा बाँनियाले नगद सहयोग गरेका छन् ।
नगरपालिकाले कोभिडका बिरामीहरूको उपचारका लागि सुरुवात गरेको राहत कोषमा कुस्मा पर्यटन व्यवसायी समेत रहेका बानियाँले नगद २५ हजार रुपैयाँ व्यक्तिगत रूपमा सहयोग गरेका हुन् ।
बानियाँ विश्वकै दोस्रो लामो सुपर म्यान शैलीको जीपलाईन र नेपालकै एक मात्र सिसाको स्काईब्रिज सहितका साहसिक पर्यटकीय खेल तथा सुविधा सम्पन्न रिर्सोट निर्माण गरिरहेको द हार्नेस प्रालिका प्रबन्ध निर्देशक समेत हुन । बानियाले यस अघि पनि विभिन्न विद्यालय, सामाजिक संस्था तथा बिपद्मा परेका नागरिकलाई सहयोग गर्दै आइरहेका छन् ।
राहत कोष मार्फत नगरपालिका भित्रका कोभिड रोगबाट सङ्क्रमित भएकाहरूको उपचारमा खर्च गर्ने गरी कोषको स्थापना गरिएको नगरप्रमुख रामचन्द्र जोशीले जानकारी दिए ।
उक्त कोषमा सहयोग रकम सङ्कलन गरी राहत नगर बासीको उपचारमा रकम खर्च गर्ने गरी कोषको स्थापना गरिएको नगरप्रमुख जोशीको भनाई छ ।
नगरपालिकाले नेपाल बैङ्क पर्वतको खाता नम्बर ०६६०३०००००७००२०००००२ मा प्रकोप व्यवस्थापन कोषको खातामा सहयोग रकम उपलब्ध गराउन पनि नगर बासीलाई आव्हान गरेको छ ।
