83
काठमाडौं । हाल मौसममा पश्चिमी न्यून चापीय प्रणाली तथा दक्षिण भूभाग नजिक विकसित भएको न्यून चापीय क्षेत्र तथा बंगालको खाडीको जलवाष्प युक्त हावाको प्रभाव रहेको जल तथा मौसम पूर्वानुमान महाशाखाले जनाएको छ । जसका कारण देशभर बदली रहेको छ ।महाशाखाका अनुसार बुधबार दिनभर सामान्यदेखि पूर्ण बदली रहने छ भने केही स्थानमा मेघगर्जन र हावाहुरी सहित हल्कादेखि मध्यम वर्षाको सम्भावना रहेको छ। यस्तै गण्डकी, लुम्बिनी, बागमती र प्रदेश नं २ का केही स्थानमा भारी वर्षाको सम्भावना रहेको पनि मौसम पूर्वानुमान महाशाखाले जनाएको छ । यसैगरी राति पहाडी भूभागका धेरै स्थानहरूमा सामान्यदेखि पूर्ण बदली र बाँकी भूभागहरुमा आंशिक देखि सामान्य बदली रहने छ। केही स्थानमा वर्षाको सम्भावना पनि रहेको छ । रातोपाटी ।
