पर्वत । कोरोनाको जोखिम बढेसँगै तिहारमा देउसी भैलोका कार्यक्रम नगर्न पर्वत प्रशासनले आग्रह गरेको छ ।
कोरोना भाईरसको महामारीका बेला भिडभाड हुने र एक अर्का घरमा जाने जस्ता कार्यक्रम गर्दा संक्रमण झनै फैलन सक्ने भन्दै देउसी भैलोका कुनै पनि कार्यक्रम नगर्न जिल्ला प्रशासन कार्यालयले सूचना जारी गरेर निर्देशन दिएको छ ।
त्यसैगरी चाडपर्व आफ्नो परिवारका सदस्यहरुबीच मात्र मनाउन, भोजभतेर नगर्न समेत आग्रह गरेको छ । त्यसैगरी जिल्ला भित्र कुनै मेला महोत्सव जस्ता कार्यक्रम नगर्न समेत प्रशासनले आग्रह गरेको छ ।
तिहारका बेला बढ्दो जुवा तासको बिकृतिलाई न्यूनिकरण गर्नका लागि जुवा तास जस्ता भौतीक रुपमा उपस्थित भई खेलिने खेलहरु समेत नखेल्न भनेको छ ।
प्रमुख जिल्ला अधिकारी शुम्भुप्रसाद रेग्मीद्धारा जारी सूचनामा तिहारका बेला आतसवासी, भईचम्पा, पटका, झिरझिरेजस्ता विस्फोटक पदार्थ नपड्काउन र त्यस्ता बस्तु जिल्ला प्रवेश नगराउन समेत सूचित गरिएको छ ।
