23
एक्का चिडिको, एक्का चिडिको । कतै सुन्नु भएको छ ? नसुन्ने त कुरै भएन होला । तास खेल्नेहरूका लागि त यो नौलो रहेन । नखेल्नेहरूले पनि सुनेकै होलान् । तासमा बाहेक अन्त एक्का चिडिका कुरा आउने स्थित पनि थिएन ।
तर अबका दिनमा भने एक्का चिडि तासको खालमा मात्र नभएर लोकसँगीतमा समेत सुनिने र देखिने भएको छ । त्यो पनि वियोगान्त गीतमा । यस गीतका गायक सुभाष पौडेलले बताए अनुसार तासमा चार वटा एक्का मध्ये सबै भन्दा कमजोर चिडिको एक्कालाई मानिन्छ ।
त्यही चिडिको एक्कालाई मेटाफोरिक रूपमा राखेर एउटा परिवारको गरिबी र बाध्यतालाई देखाउन खोजिएको छ । गीतको बोलले भन्छ – “एक्का चिडिको के सुनाऊँ समाचार रित्ता पिँढीको ।”
