पर्वत । पर्वतको कुश्मामा खेल प्रेमी युवाहरूको अग्रसरतामा जिम्न्यास्टिक सङ्घ गठन भएको छ । कुश्माका युवा खेलाडी अनिश श्रेष्ठको अध्यक्षतामा ११ सदस्यीय जिम्न्यास्टिक सङ्घ गठन भएको हो ।
सङ्घको उपाध्यक्षमा भिम बहादुर गौचन, सचिवमा ध्रुव श्रेष्ठ, कोषाध्यक्षमा रेनु पुन, सह–सचिवमा दल बहादुर राना रहनु भएको छ । यस्तै सदस्यहरूमा क्रमशः दिनेश श्रेष्ठ, शङ्कर पौडेल, प्रबिन राना, दिपेन्द्र सुवेदी, खुमा कुमारी हमाल श्रेष्ठ र अनिता श्रेष्ठ रहेका छन् ।
नेपाल जिम्न्यास्टिक सङ्घका केन्द्रीय सदस्य योगेन्द्र गुरुङको अध्यक्षतामा भएको कार्यक्रममा जिल्ला खेलकुद समिति पर्वतका अध्यक्ष हर्कमान गुरुङ प्रमुख अतिथि रहेको थियो भने विशिष्ट अतिथि चाहिँ खेलाडी रोनित गुरुङ रहेका थिए । सङ्घको सल्लाहकारहरूमा चाहिँ प्रबिन श्रेष्ठ, भिम बहादुर थापा, भिम बहादुर शर्मा, पवित्रा श्रेष्ठ र संरक्षकमा विक्रम श्रेष्ठ रहेका छन् ।
भेलाको संयोजन कुश्मा स्पोर्ट्स क्लबका अध्यक्ष विक्रम श्रेष्ठले गरेका थिए भने कार्यक्रम सञ्चालन ध्रुव श्रेष्ठले गरेका थिए ।
