बन्जी र स्वीङ सञ्चालनका परिकल्पनाकार राजु कार्की

कालीगण्डकी नदीमाथि पर्वत र बागलुङलाई जोडेर बन्जिजम्प निर्माण भएको छ । विश्वकै अग्लो दोस्रो बन्जी र विश्वकै अग्लो स्वीङका गर्न मिल्ने यस झोलुङ्गे पुल एसियाकै नमुना पुल मानिन्छ । यस ठाउँमा निर्माण गरिएको साहसिक खेल बन्जी र स्वीङ सञ्चालनका योजनाकार, परिकल्पनाकार चाहिँ राजु कार्की हुन् । बन्जी र स्विङसँगै क्लिफमा रिसोर्ट, विश्वकै अग्लो व्यावसायिक स्काइ रोप साइक्लिङ, स्काइ क्याफे, गुलेली पिङ, क्रेजी ब्रिज, स्काइ ग्लाइडिङ, स्काइ क्याफे लगायत गतिविधि सञ्चालनमा छन् । उनै कार्की संविधान दिवसको अवसरमा राष्ट्रपतिबाट जनसेवा श्री पदक बाट विभूषित समेत भएका छन् ।