पर्वत । ठाकुर बम मल्ल, कुमार खड्का, आविष्कार बम मल्ल र विनोद हमालको कालीगण्डकी नदीबाट अबैध रुपमा नदीजन्य पदार्थको उत्खनन् गर्न प्रयोग गरिएका सवारी साधन जिल्ला अनुगमन समिति पर्वतले सिल गरेको छ ।
पर्वतको कुश्मा नगरपालिका र जलजला गाउँपालिकाका विभिन्न स्थानमा पर्ने कालीगण्डकी नदीबाट अवैध रुपमा नदीजन्य पर्दाथ उत्खनन गर्न प्रयोग गरिएका ५ वटा सवारी साधन सिल गरिएको हो ।
दोहनकर्ता मध्येका एक विनोद हमालले यस अघि रातको समयमा लामाखेत नजिक स्काभेटर प्रयोग गरेर बालुवा चोरी गर्दै गरेको भिडिओ सार्वजनिक भएको थियो । प्रहरीले अपरेटरलाई पक्राउ गरेर मुद्धा चलाएको छ । हमाल भने फरार रहेका छन् । उनको खोजिकार्य भएइरहेको प्रहरी नायव उपरिक्षक शिवराज बुढाथोकीले जानकारी दिएका छन् ।
जिल्ला अनुगमन समितिको टोलीले मंगलवार कुश्मा नगरपालिका वडा नं. १ स्थित राजाको बगरवाट एक÷एक वटा स्काभेटर र डोजर,जलजला गाउँपालिका वडा नं। ८ खनियाघाटवाट एकवटा स्काभेटर, वडा नं. ८ लस्ती भन्ने स्थानबाट एउटा ट्र्याक्टर तथा पर्वत जलजला गाउँपालिका वडा नं. ४ लामाखेतबाट एउटा स्काभेटर नियन्त्रणमा लिई सिल गरेको हो ।
