काठमाडौं । सार्वजनिक ठाउँमा साइकल चलाएर दुःख दिएको आरोपमा ट्राफिक प्रहरीले भ्लगर तथा राइडरलाई सम्झाई बुझाई गरेको छ । भ्लगर राजकुमार थापामगर र अर्का एक राइडरलाई सम्झाइ बुझाई गरिएको उपत्यका ट्राफिक प्रहरी कार्यालयका एपी सञ्जीव शर्माले रातोपाटीलाई बताए ।
केही दिनअघि राइडर राजकुमार थापाले पशुपति मन्दिर क्षेत्रको वनकाली मन्दिरमा साइकल स्टन्ट गर्दा अर्का एक सर्वसाधारणलाई ठक्कर लागेको थियो । त्यसबारे ट्राफिक प्रहरीको फेसबुक र ट्विटरमा कम्प्लेन गरेपछि बोलाएर सम्झाइएको एसपी शर्माले जानकारी दिए ।
उपत्यका ट्राफिक प्रहरी कार्याल-यका डिएसपी जयशंकर शर्माले सार्वजनिक ठाउँमा स्टन्ट गर्दा सर्वसाधारणले खेप्ने हैरानीबारे राइडरहरुलाई काउन्सिलिङ गरेका छन् । शारिरिक शक्तिबाट चल्ने सवारी साधन लापरवाहीपूर्वक चलाउनेलाई कारवाही गर्ने कानुन नभएको हुनाले ट्राफिक प्रहरीले सम्झाइ बुझाइ गरेको हो । रातोपाटी ।
