पोखरा । पोखरा महानगर वडा नं २६ ले घरदैलो कार्यक्रम तीव्र बनाएको छ । नेपाली काँग्रेसको तर्फबाट वडाध्यक्षका प्रत्याशी नरेन्द्र थापा सहितका सदस्यका प्रत्याशीहरू वडावासीको घर घरमा पुगेर समस्या र सुझाव ग्रहण गर्ने काम अगाडी बढाएका छन् ।
वडामा भएका समस्याहरू मध्ये बेरोजगारीको समस्या सबैभन्दा बढी रहेकोले सो विषयमा वडामै स्वरोजगारका कार्यक्रम गरिने थापाले बताए । स्वास्थ्य, शिक्षा लगायतलाई वडा स्तरबाट सम्बोधन गर्न वडाले पहल गर्ने पनि थापाले बताएका छन् ।
युवा ,वृद्ध वृद्धा र सम्पूर्ण वडावासीको दुख सुखमा सागै रहने प्रतिबद्धता जनाउँदै प्रत्याशी थापाले सबैको साथ सहयोग र मतको अपेक्षा गरेका छन् । “हामी जित्छौ र वडालाई नमुना वडाको रूपमा स्थापित गराउँछौ” प्रत्याशी थापाले बताए ।
घरदैलो कार्यक्रममा सयौँको सङ्ख्यामा रहेका वडावासीले साथ दिएका छन् । युवा देखि गृहिणी र सबै तह र तप्काका वडावासी घरदैलो कार्यक्रममा सहभागी भएका छन् ।
