130
काठमाडौं । स्पेनिस कोपा डेल रे फुटबलको उपाधि रियल बेटिसले जितेको छ । शनिबार राति भएको फाइनल खेलमा भ्यालेन्सियालाई पेनाल्टी सुटआउटमा ५–४ गोल अन्तरले हराउँदै बेटिसले उपाधि जितेको हो । बेटिसले सन् २००५ पछि पहिलो पटक कोपा डेल रेको उपाधि जितेको हो ।
-खेलको निर्धारित समय १–१ गोलको बराबरीमा सकिएपछि खेल पेनाल्टीमा धकेलिएको थियो । जसमा बेटिसले बाजि मार्यो । पेनाल्टीमा भ्यालेन्सियाका युनुस मुसाले गोल गर्न सकेनन् । त्यसअघि खेलको ११ औं मिनेटमा बोर्जाले गोल गर्दै बेटिसलाई सुरुवाती अग्रता दिलाएका थिए । भ्यालेन्सियाका लागि ३० औं मिनेटमा ह्युगो डुरोले बराबरी गोल फर्काएका थिए । बेटिसको यो पाँचौं उपाधि हो । रातोपाटी ।
