139
पर्वत । जिल्ला प्रहरी कार्यालय पर्वतले १९ वर्षियालाई बलात्कार गरेको आरोपमा एक जना युवकलाई नियन्त्रणमा लिएको छ ।
पर्वतको मोदी गाउँपालिका–८ चित्रेका २२ वर्षीय जितेन्द्र नेपालीलाई पक्राउ गरिएको जिल्ला प्रहरी कार्यालय पर्वतले जानकारी दिएको छ ।
नाम ठेगाना गोप्य राखिएकी पीडितको तर्फबाट प्रहरीमा उजुरी परेपछि नेपालीलाई बिहीबार नियन्त्रणमा लिइएको प्रहरी निरीक्षक राजेन्द्र अधिकारीले बताए ।
नेपाली विरुद्ध करणीसम्बन्धी कसुर अन्तर्गत जबरजस्ती करणी शीर्षकमा मुद्दा दर्ता गरी पर्वत जिल्ला अदालतबाट ५ दिनको म्याद थपेर अनुसन्धान भइरहेको प्रहरी निरीक्षक अधिकारीले बताए ।
