165
काठमाडौं । गृहमन्त्रालयबाट अनिवार्य अवकाश पाएका सह सचिवलाई गृहमन्त्री बालकृष्ण खाणले आफ्नो विज्ञमा नियुक्त गरेका छन् । गृहको प्रशासन महाशाखाबाट गत महिना अनिवार्य अवकाश पाएका सुनिल खनाल गृहमन्त्रीको प्रशासन तथा शान्ति सुरक्षा विज्ञमा नियुक्त भएका हुन् ।
नेपाली काँग्रेस निकट मानिने खनाललाई केही दिनअघि बसेको मन्त्रिपरिषद् बैठकले विज्ञमा नियुक्त गरेको प्रधानमन्त्री कार्यालयका एकजना उच्च अधिकृतले रातोपाटीलाई बताए । खनाललाई आफ्नो विज्ञमा नियुक्त गर्न गृहमन्त्रीले मन्त्रिपरिषद्मा प्रस्ताव लगेका थिए । यसअघिका गृहमन्त्री रामबहादुर थापा ‘बादल’ र जनार्दन शर्माले पनि सुरक्षा विज्ञ नियुक्त गरेका थिए । रातोपाटी ।
