94
काठमाण्डौ । कोरोना भाइरस संक्रमितहरूको उपचारका लागि चाहिने प्लाज्मा उपलब्ध गराउने कार्यमा झापाको क्लिक माइन्ड इन्डेक्स एनपीले सहयोग गर्ने भएको छ।प्लाज्मा चाहिएका र दिन चाहनेहरूबीच सम्पर्क गराउने गरी क्लिक माइन्डले बुधबारदेखि सेवा सुरू गरेको जनाएको छ।प्लाज्मा दिने र चाहिनेहरूले क्लिक माइन्डले सञ्चालनमा ल्याएको http://indexnp.eclickmind.com/index नामक वेवसाइटमा जानुपर्नेछ।
मानिसहरूले फेसबुक ग्रुपलगायतमा प्लाज्मा चाहिएको भन्दै सहयोग गर्न आग्रह गरेपछि आफूहरूले वेवसाइट नै सञ्चालनमा ल्याएको क्लिकमाइन्डका संस्थापक अजय खड्काले सेतोपाटीलाई बताए।‘कसैले प्लाज्मा दिन चाह्यो भने वेवसाइटमा गएर डोनेटमा क्लिक गर्नुपर्छ। ब्लड ग्रुप मिल्ने छ भने फोन नम्बरसहित प्लाज्मा चाहिएका व्यक्तिसँग सम्पर्क गराइदिन्छौं,’ उनले भने।
आफूहरूले ५० केजी तौलमाथिका मानिसले प्लाज्मा दिन चाहे मात्रै वेवसाइटमा इन्ट्री गराउने गरेको उनले बताए।प्लाज्मा चाहिने व्यक्तिले पनि वेवसाइटभित्र गएर रिक्वेस्ट क्लिक गरेर फारम गर्नुपर्छ।‘प्लाज्मा दिने र लिनेबीच सहयोगीको भूमिका हामीले खेल्न लागेको हो,’ उनले भने। रातोपाटी ।
