80
पर्वत । एउटा कुरा । हामी नागरिकका लागि प्रश्न । प्रश्न के भने राज्यले लगानी गर्ने सार्वजनिक सम्पत्तिको सदुपयोग र संरक्षणमा कति जिम्मेवारी रहन्छौँ भन्ने हो । सायदै कम जिम्मेवार रहन्छौँ होला ।
त्यसको उदाहरण हेर्न टाढा पुग्नै पर्दैन । कुश्मा नगरपालिका–७ गोदाम चौरमा पुग्दा हुन्छ । केही वर्ष अघि स्थानीय सरकार वडाले स्थानीय र कुस्मावासीहरू सबैलाई ध्यानमा राख्दै सार्वजनिक व्यामको स्थापना गरिदियो । केही समयसम्म व्याम स्थलमा मान्छेहरूको भिड् नै भयो ।
बिस्तारै मान्छेहरूले सदुपयोग कम दुरुपयोग ज्यादा गर्न थाले ।
व्याम स्थल वरिपरि लगाइएका तार, ढोकादेखि व्यामका सामग्रीहरू पनि बिगार्ने, भत्काउने र बोकेर घर लानेसम्म गर्न थाले । अहिले त फोहोर जम्मा पार्ने डम्पिङ क्षेत्र जस्तो बन्दै जाने पो देखिन्छ ।
पर्वतमा सार्वजनिक स्थलमा व्यामको अवधारणा स्थानीय सरकारको पहिलो र राम्रो प्रयास थियो । तर, के गर्ने ? हामीहरू नै गैरजिम्मेवार भएपछि ।
