काठमाडौं । लोकतान्त्रिक समाजवादी पार्टी नेपालले केन्द्रीय कार्यकारिणी समितिको बैठक बोलाएको छ । बैठकमा स्थानीय चुनावको समीक्षा, संगठन निर्माण, अगामी संघ तथा प्रदेशको चुनाव लगायतका विषयमा छलफल हुने पार्टीका कार्यकारिणी सदस्य अनिलकुमार झाले बताए ।
बबरमहलस्थित लोसपाको केन्द्रीय कार्यालयमा शनिवार बस्ने बैठकका लागि कार्यकारिणी समितिका सदस्यहरुलाई जानकारी पठाइ सकेको छ । स्थानीय निर्वाचनको मतपरिणाम आफूअनुकुल नआएपछि लोसपा र जसपाबीच गठबन्धन वा एकताको विषयमा पनि चर्चा सुरु भएको छ । नेताहरुको बीचमा अनौपचारिक छलफल पनि सुरु भइसकेको छ ।
यो विषय परिपक्क भइ नसकेको हुनाले यो विषय बैठकमा एजेण्डाकै रुपमा नआउने कार्यकारिणी सदस्य अकवाल अहमदले बताए । आवश्यकता अनुसार दुई दलको बीचमा मोर्चाबन्दी हुनुपर्ने विषयमा चर्चा सुरु भएको छ । औपचारिक रुपमा नभएपनि अनौपचारिक छलफल हुने सम्भावना रहेको उनले बताए । रातोपाटी ।
