काठमाडौं । प्रधानमन्त्री शेरबहादुर देउवाले मुलुककै दोस्रो ठूलो खिम्ती सबस्टेशनको उद्घाटन गर्ने भएका छन् । उनले भोली शनिबार उक्त सबस्टेशनको उद्घाटन गर्ने भएका हुन् । स्वदेशी लगानीमा निर्मित राष्ट्रिय गौरवको माथिल्लो तामाकोशी जलविद्युत आयोजना (४५६ मेगावाट) अन्तर्गत निर्माण भएको २२०÷१३२ के. भी. नयाँ खिम्ती सबस्टेशन नेपालको केद्रिय विद्युत प्रणालीमा जोडिएको हालसम्मको दोश्रो ठूलो सबस्टेशनमा पर्दछ ।
-यस सबस्टेशनमा ४५६ मेगावाटको माथिल्लो तामाकोशी सहित ५२.४ मेगावाटको लिखु ४ र २४.२ मेगावाटको लिखु ए समेत यस आर्थिक वर्षसम्ममा सफल परीक्षण पछि नेपालको केन्द्रिय विद्युत प्रणालीमा जोडिएको छ । उत्पादन शुरु भए देखि माथिल्लो तामाकोशीबाट २०७८ फागुनसम्म जम्मा ९६ करोड ९० लाख युनिट विद्युत प्रवाह भइसकेको छ । राष्ट्रिय महत्वको यस सबस्टेशनको समुदघाटन प्रधानमन्त्री देउवाले गर्न लागेकोमा माथिल्लो तामाकोशी आयोजनाले खुशी व्यक्त गरेको छ । मेरोलगानी ।
