पर्वत । पर्वतको ग्रामीण भेगमा एक दशक अघि स्थापना गरिएको टेलिमेडिसिन (दूर—चिकित्सा) सेवाबाट गाउँलेहरू लाभान्वित हुँदै आएका छन् ।
बेलायतस्थित स्वीनफेन च्यारिटेबल ट्रष्टको सहयोगमा ठानामौलाको चारभन्जयाङमा सञ्चालित टेलिमेडिसिनमा बिरामीको अवस्थाबारे प्रत्यक्ष विदेशी चिकित्सकहरूसँग परामर्श गरी उपचार गरिने भएकोले यस भेगमा मात्र नभई नजिकका जिल्लाहरूबाट समेत बिरामी सेवा लिन आइपुग्ने गरेका छन् ।
यस ठाउँबाट बेलायतमा गएर बसेका चारभञ्जयाङ तमु सेवा युकेको विशेष पहल र स्वीनफेन च्यारिटेबल ट्रष्टले टेलिमेडिसिन (दूर—चिकित्सा) सेवाको स्थापना गरेको हो । यस टेलिमेडिसिनमा हुने खर्चको सम्पूर्ण व्यवस्थापन बेलायत, हङकङ लगायत देशमा रहेका नेपालीहरूको सहयोगमा हुँदै आएको छ ।
शिक्षा, स्वास्थ्य, पर्यटन लगायतका क्षेत्रमा काम गर्दै आएको चारभञ्जयाङ तमु सेवा युकेको अग्रसरतामा सञ्चालनमा आइरहेको टेलिमेडिसिन (दूर—चिकित्सा) सेवामा प्रार्थना पुन सक्रिय भएर लागिरहेकी छिन् । स्वास्थ्य प्रमुखको रूपमा रहेकी उनले सहरको सुविधा र सहजता छाडेर गाउँ आइपुगेकी हुन् । गाउँमा सेवा गर्न पाएकोमा खुसी मिल्ने भएको हुनाले गाउँ नै रोजेको बताइन् । उनको कामबाट गाउँलेहरू सबै सन्तुष्ट छन् ।
उनै प्रार्थना पुनसँग हामीले छोटो कुराकानी गरेका छौँ ।
