106
काठमाडौं । नेपाल बंलादेश बैंकले नबिल बैंकसँग मर्जरको लागि एमओयु प्रस्ताव पास गर्न सञ्चालक समितिको बैठक डाकेको छ।बंलादेश बैंकले छलफल चल्दै आएको नबिल बैंकसँग मर्जरमा जानको लागि आज बिहीबार ३ बजे सञ्चालक समितिको बैठक डाकेको हाे । उक्त बैठकले एमओयु प्रस्ताव पारित गरेपछि आजै मर्जरको लागि एमओयु सम्झौता हुन सक्ने नेपाल बंलादेश बैंक सम्बद्ध स्रोत बताउँछ।
नबिल बैंक र नेपाल बंलादेश बैंक मर्जरमा जानको लागि केहि समय अघिदेखि नै छलफल चलाउदै आएका छन्। दुबै बैंकको प्रतिनिधित्व रहेको संयुक्त मर्जर कमिटी समेत गठन भएको छ । दुबैं बैंकको सञ्चालक समितिले मर्जर कमिटिलाई अधिकार प्रत्यायोजन गरी मर्जरको लागि कुरा अगाडि बढाइसकेको थियो। सोही कमिटिले शेयर आदान प्रदान अनुपात, कर्मचारी लगायतको टुंगो लगाउने जिम्मा दिइएको थियो। मेरोलगानी ।
